நெல்சன் திலீப்குமார் இயக்கத்தில் ரஜினிகாந்த் நடித்த படம், ஜெயிலர். இதில் ரம்யா கிருஷ்ணன், விநாயகன், யோகிபாபு உள்பட பலர் நடித்தனர். சன் பிக்சர்ஸ் தயாரித்த இப்படம் வசூல் குவித்தது. அனிருத் இசை அமைத்திருந்தார். இந்நிலையில் இதில் ஹூக்கும் என்ற பாடல் இடம்பெற்றிருந்தது. இப்பாடலில் லிரிக்கல் வீடியோ யூடியூப்பில் வரவேற்பைப் பெற்றிருந்தது.
இப்போது இப்பாடல், 20 கோடி பார்வைகளைக் கடந்து சாதித்துள்ளது. சூப்பர் சுப்பு எழுதிய இப்பாடலை அனிருத் பாடியிருந்தார். இப்படத்தின் இரண்டாம் பாகம் இப்போது உருவாகிறது. முதல் பாகத்தில் நடித்தவர்களுடன் மேலும் சிலர் இப்படத்தில் நடித்து வருகின்றனர்.
