அமெரிக்க தொழிலதிபர் எலான் மஸ்குக்கு சொந்தமான ஸ்பேஸ்எக்ஸ் மற்றும் செயற்கை நுண்ணறிவு நிறுவனமான எக்ஸ்.ஏ.ஐ ஆகியவை சமீபத்தில் இணைந்தன. இந்த வரலாற்றுச் சிறப்பு மிக்க இணைப்புக்குப் பிறகு, எலன் மஸ்க் 800 பில்லியன் டாலர் சொத்து மதிப்பைத் தாண்டிய வரலாற்றின் முதல் நபர் என்ற சாதனையைப் படைத்துள்ளார்.
போர்ப்ஸ் அறிக்கையின்படி, இந்த இணைப்பின் மூலம் உருவான புதிய நிறுவனத்தின் மதிப்பு 1.25 டிரில்லியன் டாலர் ஆகும். இதன் மூலம் மஸ்க்கின் தனிப்பட்ட சொத்து மதிப்பு 84 பில்லியன் டாலர் உயர்ந்து, தற்போது பிரமிக்க வைக்கும் 852 பில்லியன் டாலராக (ரூ.77 லட்சம் கோடி) உள்ளது.
