விழுப்புரம் மாவட்டம், திண்டிவனம் அருகிலுள்ள பெலாக்குப்பத்தில் பிப்ரவரி 4-ம் தேதி நடைபெறும் அரசு விழாவில் முதியோா் ஓய்வூதியத் திட்டத்தை முதல்வா் மு.க. ஸ்டாலின் தொடங்கி வைக்கவுள்ளதாக அமைச்சர் எம்.ஆர்.கே. பன்னீர் செல்வம் தெரிவித்தார்.
அரசு விழாவுக்காக பெலாக்குப்பம் சிப்காட் வளாகத்தில் நடைபெற்று வரும் முன்னேற்பாடு பணிகளை பாா்வையிட்ட பின்னா், அவா் கூறியதாவது, பெலாக்குப்பம் பகுதியில் வரும் 4-ம் தேதி நடைபெறும் அரசு விழாவில் முதல்வா் மு.க.ஸ்டாலின் பங்கேற்று, அரசு நலத் திட்ட உதவிகளை வழங்குகிறாா். மேலும், உங்களுடன் ஸ்டாலின் திட்டத்தின் மூலம் பொதுமக்களிடமிருந்து பெறப்பட்ட விண்ணப்பங்கள் பரிசீலனை செய்து, தகுதியானவா்களுக்கு இந்த அரசு விழாவில் நல உதவிகளை வழங்குகிறாா். இதுபோன்று, முதியோா் ஓய்வூதியத் திட்டத்தையும் முதல்வா் ஸ்டாலின் தொடங்கிவைத்து, அதற்கான ஆணைகளை வழங்கவுள்ளார். இவ்வாறு அமைச்சர் தெரிவித்தார்.
தொடா்ந்து, விழா மேடை அமைக்கும் பணி, முதல்வா் வரும் வழித்தடங்களில் மேற்கொள்ள வேண்டிய பணிகள் உள்ளிட்டவை குறித்து அலுவலா்களுடன் அமைச்சா் ஆய்வு நடத்தினாா். இந்த ஆய்வில் முன்னாள் அமைச்சா்கள், எம்.எல்.ஏ.க்கள் மற்றும் அதிகாரிகள் பலரும் கலந்து கொண்டனர்.
