முன்னாள் அமைச்சர் அர.சக்கரபாணி விடுத்துள்ள ட்விட்டர் பதிவு வருமாறு:–
விலைவாசி உயர்வால் ஏழை எளிய மக்கள் துன்பத்தில் இருக்கும்போது, முதலில் விலையேற்றம் இல்லை என ஆணவத்தோடு பேட்டி கொடுத்த நீங்கள், தி.மு.க. விடுத்த சவாலுக்குப் பயந்து விலையேற்றம் இருப்பதை ஒப்புக்கொண்டதற்கு நன்றி.
நிர்வாகத் திறன் இன்றி இன்னும் எதிர்க்கட்சியாகவே தங்களை நினைத்து, மற்றவர்கள் மீது பழி போடும் அரசியலை முதலில் நிறுத்துங்கள்.
விலையேற்றத்தைத் தடுப்பதும், பதுக்கலைத் தடுப்பதும் உங்கள் துறையின் வேலைதான் என்பதை மறந்துவிட்டு இப்படி பேட்டி தருவதற்கு முன், தங்களின் பணிகள் என்ன என்பதை அதிகாரிகளிடம் ஒரு முறை கேட்டுத் தெரிந்து கொள்ளுங்கள்.
பதுக்கியவர்களைக் கண்டுபிடித்து சட்டத்தின் முன் நிறுத்தும் திறமை இந்த அரசுக்கு இல்லையா? இல்லை பதுக்கியவர்களோடு டீல் போட்டு அவர்களைக் காப்பாற்று கிறீர்களா? அல்லது கற்பனைக் கதைகளைச் சொல்லி ஒரு யூனிட் மின்சாரத்தை 35 ரூபாய்க்கு வாங்கும் உங்கள் மின்துறை அமைச்சரைப் போல நீங்களும் சிறப்புத்திட்டங்கள் வைத்துள்ளீர்களா?
பதுக்கல் கும்பல் மீது நடவடிக்கை எடுப்பதை எது தடுக்கிறது?
அத்தியாவசியப் பொருட்களின் விலை உயர்வை தடுக்கத் தவறிய தாங்கள், வழக்கம்போலConspiracyகதைகள் மூலம் இதையும் மடைமாற்றாமல் ஆக்கப்பூர்வமான நடவடிக்கையில் இறங்குங்கள். இல்லையென்றால், குரங்கு கையில் பூ மாலை என்பதற்கு இந்த த.வெ.க. அரசே சாட்சியாகிவிடும்.
இவ்வாறு முன்னாள் அமைச்சர் அர.சக்கர பாணி தெரிவித்துள்ளார்.
.jpeg)
