தொடர்ந்து வரும் அறிவிப்புகள், சமூக வலைத்தளச் செய்திகள், ரீல்ஸ்கள் என ஸ்மார்ட்போன் பயன்பாடு சலிப்பை ஏற்படுத்துகிறதா? அப்படியானால் உங்களுக்கான சரியான போன் நோக்கியா 3210 தான். தற்போது அனைவரின் கவனமும் இங்கு உள்ளது. ஒரு காலத்தில் மொபைல் உலகில் மிகவும் பிரபலமாக இருந்த நோக்கியா 3210, இப்போது புதிய வடிவில் 4ஜி இணைப்புடன் மீண்டும் சந்தையில் உள்ளது. தற்போதைய ஸ்மார்ட்போன்களில் தொடர்ந்து வரும் அறிவிப்புகள் மற்றும் சமூக வலைத்தளப் பயன்பாட்டிலிருந்து சிறிது இடைவெளி எடுக்க விரும்புபவர்களுக்கு எளிய மொபைல் மாறலாம். அந்த வகையில், நோக்கியா 3210 4ஜி தற்போது இந்தியாவில் ரூ.4,299-க்கு கிடைக்கிறது. ஹெச்எம்டி நிறுவனத்தின் அதிகாரப்பூர்வ இந்திய தளத்தில் இதன் பழைய விலை ரூ.5,299 என்றும், தற்போது ரூ.1,000 குறைக்கப்பட்டு ரூ.4,299 எனவும் காட்டப்பட்டுள்ளது. இந்த மொபைல்யில் 2.4 அங்குல திரை, பட்டன் கீபோர்டு மற்றும் பின்புறத்தில் டார்ச் வசதியுடன் கூடிய 2 மெகாபிக்சல் கேமரா உள்ளது. மேலும் இரட்டை சிம் மற்றும் 4ஜி இணைப்பு வழங்கப்பட்டுள்ளது. இதனால் இது வெறும் பழைய நினைவுப் பொருளாக இல்லாமல், இன்றைய அடிப்படை போன் தேவைகளுக்கேற்ற வகையில் உருவாக்கப்பட்ட ஒரு எளிய மொபைல்யாக உள்ளது. அழைப்புகள் செய்வது, குறுஞ்செய்தி அனுப்புவது, வானொலி கேட்பது போன்ற அடிப்படை பயன்பாடுகளுக்கு முக்கியத்துவம் கொடுப்பவர்களுக்கு இதன் அமைப்பு வசதியாக இருக்கலாம். குறிப்பாக அவசர காலத்தில் வைத்திருக்கும் ஒரு கூடுதல் மொபைல் தேடுபவர்களுக்கும் இது ஒரு தேர்வாக இருக்கிறது.